|
In domo
editoriâ, quae dicitur LEO LATINUS, êduntur litterae
Latinae
omnium aetatum et lexica necnon versiones Theodiscae Anglicaeque.
Offerimus tibi textûs Latinos omnis generis, qui in bibliopoliis
non prostant venales. Tales sunt novae editiones criticae et
commentarii textuum antiquorum, mediaevalium, neolatinorum, quorum
nulla potest accipi editio recentior. Iidem tibi solent mitti disco
compacto recepti. Editiones typis impressas et colligatas tibi non
mittemus nisi per exceptionem.
Textûs autem instructi sunt praefatione Latinâ et
adnotationibus (commentariove) et glossario copioso.
Praeterea LEO LATINUS praebet editiones bilingues (Latino-Theodiscas
sive Latino-Anglicas).
Lineis sequentibus tibi dabimus conspectum textuum a nobis iam
publicatorum.
|