„Periculum Francisci“ (sicut etiam „Sudatorium Veneris“) est erotica narratiuncula, quae insigniter praecellit vivacitate atque subtilitate.  Auctor (cui nomen est Diogenes Anaedoeus) utitur Latinitate simplici volubilique, magnam partem sequitur normas aureae Latinitatis, sed helluatur vocabulis Plauti et Petronii et Martialis et Apuleii necnon ‚Aloisiae Sigeae’ a Nicolao Chorier scriptae. Diogenes verbis saepe variandis aut facetê novandis aut alienandis, allusionibusque classicis iterum iterumque id efficit, ne animus lectoris fatigetur nimiâ simplicitate argumenti, qua solet esse hoc genus litterarum.
Si quis ad scientiam suam Latinitatis redintegrandam quaeritat textum, quo  difficultatibus oratorum philosophorum evitatis animus recreetur relaxeturve – is quidem helluetur oportet „Sudatorio Veneris“ et „Periculo Francisci“.