Comoedia
Friderici Dürrenmatt
a Nicolao Groß in Latinum conversa.
Romulus, ultimus imperator
Romae Occidentalis, impetu Germanorum in regnum suum facto nequaquam
sollicitatur. Cui cordi est – quod valdê dolent imperatrix ministrique – res
omnino alia ac regni gubernatio: Romulus
animo inflammato alit gallinas!
Theodiscus textus
originalis huius comoediae lepidissimae, qua tractatur interitus imperii
Romani, saepe iam optimo cum successu a discipulis adhibitus est ad actionem
theatricam – fabula enim est plena mucronibus, quibus spectatores non desinant
cachinnare maximê mirabundi, tamen etiam continet sententias, quibus discipuli
incitentur, ut deliberent de historiâ.
Quid impedit, ne discipuli
optimê delectentur hac fabulâ etiam in Latinum conversâ, id est in sermonem
aetatis, qua agitur?
Omnes
difficultates vocabulorum tolluntur inspecto glossario copioso.
|