Auctor - Editor - Translator       Textuum Latinorum

---

Pretia nostra valent inde a sede domûs editoriae. Sumptûs vecturae et involucri solvuntur a mandatore. Sumptûs vecturae computantur mandatelâ factâ; quomodo iidem computentur, in his AGB legatur sub puncto 5.

3. Contractus quomodo fiat
Contractus inter te nosque eo iungitur, quod nos merce mittendâ comprobamus mandatelam tuam.

4. Condiciones solvendi et mittendi
Pecunia solvitur ratione nummariâ oblatâ intra 10 dies post diem rationis scriptae. Pretium emptionis est solvendum et sine deminutione statim solubile. Potes pecuniam solvere per translationem sive in acceptione sive per PAY PAL. Merces in acceptione solvendae non mittuntur nisi intra Germaniam. Sumptûs solutionis acceptoriae solvuntur a mandatore. Hôc tempore solutio acceptoria constat € 7,50.
Si solutio retardatur, nobis licet postulare usuras retardationis, quae sunt quinis centesimis (5%) plures quam usura basalis, salvo iure, quo postulemus, ut damnum retardatione effectum, quod maius est usuris, ab emptore resarciatur. Si solveris per debitum directum sive per notam debitoriam, solutionem efficiemus mercibus emissis.
Tempora mercis mittendae obligatoria constituantur litteris scriptis. Spatium mercis mittendae praestitutum incohatur die mandatelae confirmatae. Spatium servatur, si merx mittitur spatio nondum transacto. Missio solet fieri intra spatium quattuor dierum negotiosorum post mandatelam acceptam.
Possessionem mercis missae nobis reservamus usque ad solutionem completam.
Reservandum nobis est, ut in casibus specialibus mercem non mittamus nisi antea pro eâdem solutum est.

5. Sumptûs mittendi et involvendi
Pro mercibus intra Germaniam missis solvendi sunt:
4,00 €  si mittuntur summum 4 disci
6,00 €  si mittuntur plures quam 4 disci
7,50 €  si solvitur in acceptione

Pro mercibus intra Europam missis solvendi sunt:
6,00 €  si mittuntur summum 4 disci
8,00 €  si mittuntur plures quam 4 disci

Pro mercibus in ceteras terras missis solvendi sunt:
10,00 €  si mittuntur summum 4 disci
15,00 €  si mittuntur plures quam 4 disci

6. Ius revocandi
Si merce acceptâ mandatelam tuam intra spatium duarum septimanarum revocaveris, mandatelae non iam eris obligatus. Non debes explicare, quare revoces, sed revocandum tibi est intra spatium duarum septimanarum litteris scriptis (e.g. epistulâ, telecopiâ) aut mercibus remittendis. Ad spatium servandum satis est maturê mittere aut revocationem aut mercem. Ius revocandi tollitur, si missis discis compactis apertum est involucrum obsignatum.
Si revocaveris, debebis mercem quam citissimê remittere ritê involutam sumptibus et periculo domûs editoriae, q.d. LEO LATINUS.
Contractus emptorius merce remissâ tollitur. Pecuniae si quae iam solutae sunt, tibi redduntur. Si iure revocandi uteris, tibi solvendi sunt sumptûs remissionis.

7. Satisdatio
Satisdatio incohatur merce apportatâ.
Praescriptio legitimarum vindiciarum ad defectûs spectantium complectitur duos annos.

8. Locus adimpletionis et sedes iudicialis
Locus adimpletionis est Weißenhorn. Sedes iudicialis, in quâ omnes lites tractantur, est Neu-Ulm, quatenus mandator est mercator plenarius aut persona iuridica iuris publici aut extraordinaria possessio publicê-iuridica aut nullam habet generalem sedem iudicialem in civitate suâ.
Si agitur cum consumptoribus finalibus, controversiae ad contractum spectantes tractantur etiam a iudicio sedis, in quâ habitat consumptor finalis. Praeterea ius adhiberi potest in sede consumptoris finalis, quatenus necessario agitur de praeceptis iuris consumptorii.

---